- Startsida
- Sidor på nationella minoritetsspråk
- Romani čhib
- Arlikane
- Bašo instituti
Bašo instituti
O instituti baši čhib thaj folklori tano jek raštrano (državno) vlasti. Amen barakeraja hem buvljaraja o džanibe bašo Švedijakere čhibja thaj kulture.
Ekspertikano vlasti
Amen siam ekspertija baši švedikani čhib thaj o dialektija, bašo nacionalikane minoritetikane čhibja: finsko, javudikani, meankieli thaj baši romani čhib, amen siam ekspertija thaj ki nišanikani čhib (lalorikani čhib). Amaro ekspertizmi učharela thaj o butikeribe e dizjengere anavencar, dženikane anavencar, kulturencar thaj e tradiciencar ki Švedia. Amen siam akate sa e državjanenge hem siam jek resursi bute butikeribaskere grupenge, klubonge thaj organizacienge. Amen daja dumo e raštra (vlada) matrijalea hem preporučibencar ama thaj daja pikodejbe e javere vlasten.
Amen rodkeraja (istražinaja) thaj barakeraja o džanibe
Amen rodkeraja (istražinaja), pučkeraja (ispitinaja)thaj vakeraja amaro terdžojbe keda i ko pučibe amari ekspertikani trujalin (oblast). Amen barjaraja neve džanibaskere trujalina (oblastija) thaj vazdaja važna sarinikane (društvena) pučiba kola i bazirime ko amaro ekspertikano džanibe thaj ko čhibjakere thaj kulturakere politikane cilja.
Amen arakhaja thaj khedaja o džanibe
Amen arakhaja e čhibjen, keraja buti anavencar thaj e namatrijalikane kulturikane sa ačhojbaja (nasledstvo). Amen dikhaja thaj sar džala angle e sakhedibaskoro (društvoskoro) dikhibe keda i ko pučibe i čhib thaj i kultura, amen khedaja paramisija hem džanie taro amaro vakti (vreme). Amari fizikani hem digitalikani arhiva tani jek dživdi kigodi ikeribaskiri banka thaj oj tani sarinenge.
Amen daja godi thaj buvljaraja džanibe
Amen daja godi, preporučinaja thaj odgovorinaja ko pučiba kola so avena e manušendar kotar o presi (novine) hem taro zanatlie manuša. Amen keraja te šaj te ovel jek manglo sikljojbe thaj daja sarinenge šajipe te len jek kotor thaj te formininen e Švedijakere čhibjen thaj kulturen.
Dejbe buti tari radža/vlada
Odoja tani I švedikani radža (vlada) so čhinavela save butikeribaskere preduslofija ka ovel e Isof:e. Sakova berš avela amenge kotar i radža reguliribaskoro ljil kori so terdžola maškar o javera buča baši resin (cili), rezultateskoro rodibe thaj bašo amare vlasteskere love. Isi amen thaj jek bareder vakteskoro regulari kori so terdžola solea amen ka kera buti.
Butikeribe ko buteder thana
Amen isi džigde 90 bučakerde manuša (zaposlime) thaj isi amen kotorina (odelenie) ko Göteborg, Stockholm thaj Uppsala. E vlasteskoro ingaribe thaj i administracija tane ki Uppsala.
Kontakti
Akate isi kontaktiribasre podatke kola ka treben te isi tut pučiba baši romani čhib thaj generalno pučiba e vlasteske.
O instituti baši čhib thaj folkori (Isof) tano jek raštrano (državno) vlasti. Odolea mangela te phenel pe kaj odova so tu bičhalea amende e-poštaja ja poštaja – odova ovela jek sarinikano (phravdo) dokumenti thaj šaj rodela pe bilo kastar.
Pučiba baši romani čhib
Te isi tut pučiba baši i romani čhib tu šaj kontaktirinea amare čhibjakoro arakhari ki romani čhib.
Telefoni
0200-24 11 11
Telefonskoro vakti
Vtornik (Utorak, Dujtodi) 9–12
Email
romska@isof.se
Sarinikane (generalna) pučiba dži ko Isof
Ka ovel šukar te koristine i švedikani čhib te kontaktirindžan amen bašo generalna pučiba.