Nevipaskorojlil 3 čhibjakoro centri
Ko 2022 berš o Isof ka etablirinel nacionalikane čhibjengere centrija e minoritetikane čhibjenge ki finsko, romani čhib, javudikani thaj meänkieli, ko akava nevipaskoro ljil šaj te čitine (drabare) sar džala i buti angle. Ko april thaj maj masek o fokus sine te kerel pe e ingaribaskiri grupa thaj te regrutirinen pe neve butikeribaskere manuša ko amare čhibjengere centrija.
E ingaribaskere grupe e Čhibjengere centrenge tane kerde
Akana o čhijbe e manušen sar reprezentantija ko čhibjengoro centrengere ingaribaskere grupe tano kerdo. E ingaribaskere grupe ka funkcirinen sar ekspertikane grupe kori so olengiri buti ka ovel te ingaren thaj te den dumo e čhibjengere centren ki olengiri buti. E ingaribaskiri grupa baši javudikani čhib sine olen olengoro startibaskoro khedibe thaj ko maj masek ka ovel thaj e javere ingaribaskere grupen olengere jekto khediba.
Sakoja ingaribaskiri grupa ka ovel kerdi kotar pandž dži ko šov džene so ka reprezentirinen e čhibingararen. Ola ovena čhivde othe ko jek periodi kotar trin berš kori so ka ovel šajipe te barakerel pe o mandati maksimalno panda jek madateskoro periodi. Angleder te keren pe e ingaribaskere grupe, diskutirindža pe reprezentantengiri kompetencija thaj o podatke ko maškargodidejbe e nacionalikane minoritetencar. Ko biribe leljam ko obzir o sajavera kompetencije sar soj: iskustvo kotar juridika, pedagogika thaj čhibjakoro revitaliziribe thaj ko sa odova dikhlja pe te ovel jek phanibe ko disavo univerziteti so isi ole odgovornost bašo čhibja thaj plus odova dikhlja pe te ovel balansi maškar o genus thaj o geografikano buvljaripe.
Ko amaro webbthan šaj te čitine buteder bašo ingaribaskere grupengiri buti thaj kola tane o reprezentatija:
Amen džaja ponodori e regrutiribaja neve butikeribaskere manušen
Amen džaja ponodori thaj intervjuinaja kandidaten bašo butikeribaskere thana sar butikeribaskoro ingarari thaj čhibjakoro barakerarija e čhibjengere centrenge. E rodibaskoro vreme bašo akala butikeribaskere thana nakhlja ama na baši i buti sar čhibjakoro barakerari ki meänkieli so ka ovel thanardo ki Kiruna, odova tano panda phravdo dži ko 20 maj. Plus odova amen regrutirinaja kotoripaskorošefi bašo nacionalikane čhibjengere centrija thaj kotoribaskorošefi bašo čhibarakhibe ko nacionalikane minoritetija thaj švedikani nišanikani čhib so ka kerel buti ko nevo kotoripeso ka usmerinel pe premal o nacionalikane minoritetengiri čhib thaj kultura.
O Isof sine ki poseta ki Kiruna
Ko 4–5 maj sine o Isof ki poseta ki Kiruna ki te dikhel te ovel jek suradnja/sorabotka/jekhethanebutikeribe e Kiruna komunaja thaj e Sametingeteja bašo čhibjakoro centri thaj te dikhel pe lokali baši nevi filiala bašo Čhibjakoro centri ki meänkieli so ko ovel placirimo ki Kiruna. Ko dialogo e Sametingeteja amen leljam te planirina maškar o javer i buti te ikalen pe indikatorija kaj te šaj te dikha sar džala angle o nacionalikane minoritetikane čhibja.
Tle dikhiba tane važna
Amen ceninaja o baro angažiriba thaj interesi so isi bašo keribe o nacionalikane čhibjengere centrija thaj amen maškargodidejbaja thaj jekhethanebutikeribaja khedindžam važna misle thaj ideje bašo ponodorutni planiribaskiri buti. O javer nevipaskoroljil ka ovel mukhlo ko juni masek.
Ko amaro čhibjengoro centrengoro webbthan isof.se/sprakcentrum šaj te čitine sar džala i buti, a othe šaj thaj te bičhale tle dikhiba baši amari buti bašo keribe e čhibjengoro centri, tegani tu šaj te kontaktirine amen ki akaja e-pošta adresa sprakcentrum@isof.se!
/Ann Heimer,
projekteskiri ingarutni baši i buti e čhibjengere centrea ko Isof